Google ADS

Maqedonci: Për herë të parë, janë akredituar atashe të mbrojtjes jorezident në Slloveni, Kanada, Zvicër dhe Holandë

14:03 | 6 Gusht 2024
E.H

Ministri i Mbrojtjes, Ejup Maqedonci ka bërë të ditur se është zgjeruar rrjeti i diplomacisë ushtarake përmes akreditimit të atasheve të mbrojtjes në shtetet partnere

Me anë të një postimi në Facebook, Maqedonci tha se vetëm gjatë një viti janë akredituar për herë të parë atashe të mbrojtjes jorezident në Slloveni, Kanada, Konfederatë të Zvicrës dhe Holandë, përcjell Arbresh.info.

“Përfaqësuesit tanë ushtarakë tanimë janë të pranishëm edhe në disa shtete të tjera me të cilat kemi bashkëpunim të shkëlqyer bilateral si në ShBA, Mbretëri të Bashkuar, Gjermani, Turqi, Kroaci e Shqipëri, ndërsa në proces është akreditimi i atasheve në Itali, Japoni e Republikë Çeke”, ka shkruar Maqedonci.

“Zgjerojmë përfaqësimin dhe partneritetin për të ruajtur paqen, marrëdhëniet ndërkombëtare që ne zotohemi të mbrojmë: një rend të lirë dhe të hapur të bazuar në rregulla”, shtoi në fund ministri Maqedonci./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm